1) 海水珍珠 vs 淡水珍珠
珍珠分為海水珍珠同淡水珍珠。海水珍珠晌海洋生長，淡水珍珠就晌江河、湖泊以及溪流中生長。目前市面所有珍珠接近99.9%都係人工養殖，真正嘅天然珍珠，大多只會晌古董珠寶中出現。數量非常之稀少而且天然珍珠表面通常光澤不如養殖珍珠圓滑光亮。
海水珍珠嘅價值比淡水珍珠高，因為養殖海水珍珠嘅海域，水質必需要良好同經過嚴格監控。而且海水珍珠產量比淡水嘅少，一隻蚌一般只能收獲一粒珍珠。再加上海水珍珠是有核養殖，淡水珍珠是無核養殖，有核養殖令珍珠密度高及較精圓。因此海水珍珠能天生 Size 大、圓滑度高皮光厚及光澤明亮。
圖片來源: lblh_hk (Instagram)
2) 珍珠種類與特性
日本 Akoya 珍珠
海水珍珠有來自不同產地，近期最受女性嘅係日本 Akoya 珍珠，因為其價錢比較平宜近人，而且 size 在 5mm - 9mm 之間，容易 carry，係海水珍珠嘅入門。產自於馬氏貝，主要晌日本三重、雄本、愛媛具一帶的海域生長。優質嘅 Akoya 珍珠比淡水珍珠更精圓，光澤强有晶瑩水潤感，色澤以 silver white / silver pink 最頂級品種。
「珍珠之王」南洋珍珠
所謂「南洋」，一般指南太平洋水域（澳洲丶印尼丶菲律賓），產於南太平洋海水珍珠都稱為南洋珠。產自於個體大白蝶貝，南洋珠一般 10~15㎜，最大的可達到 18㎜。顏色有白、粉、銀、金等。Size 越大，價值越高。
「珍珠之后」大溪地珍珠
大溪地海水珍珠，舉世聞名，以 size 大、伴色靚、暈彩美、獨一無二嘅顏色著稱，非一般嘅海水珍珠能相比。顏色方面，以呈孔雀綠色為上品 。大溪地海水珍珠只晌無污染波利尼西亞水域才能產出，每 100 枚母貝中，只有 1 至 2 顆可達到完美級別。
3) 珍珠保養
珍珠係脆弱嘅珠寶，硬度同耐酸鹼性都好弱，係名副其實嘅如珠如寶，一定要小心保護。
- 防硬物刮傷：珍珠好弱，好容易出現划痕。
- 遠離化妝品及油污：珍珠係碳酸鈣，因此最怕油污化妝品嘅附着同腐蝕
- 洗澡、游泳一定要除下：碳酸鈣遇酸碱都會被腐蝕，因此一定要小心。
- 平時帶過後用乾布抹乾淨，然後放入珠寶盒中，避免汗水腐蝕。
就係咁簡單，只要注意以上幾點去保養我哋嘅掌上明珠，就能十年如一日，歷久常新，好似剛剛買返來一樣咁細膩光滑。
小編極力推介上述珠寶品牌 LBLH 嘅珍珠鍳賞班，佢哋不定期會開班。有興趣的讀者可以直接與品牌聯絡及查詢報名詳情。或 Follow 佢哋嘅 Facebook Page，可以多了解佢哋嘅故事。
FB: Liza by Liza House 電話：+852 6323 7321 WhatsApp：+852 6323 7321
